”La Cigua” ye l’amuletu más popular n’Asturies y val pa combatir el mal de güeyu que suel tar provocáu pola envidia o malos deseos de dalgunes persones. Tamién se llama “puñesín” nel occidente , “puñín” o puñín d’”azabache”. L’amuletu suel ponese-yos a los neños y neñes colgando del pescuezu o de la muñeca pa protexelos del mal de güeyu. Tien forma de puñu y el xestu que faise n’Asturies delantre de xentes sospechoses de poder agüeyar. La Cigua tállase n’azabache, mui tradicional nel país, estrayéndose’l meyor, pola so guapura y les virtues protectores.
Nun fai falta pensar muncho pa dase cuenta que “al nuesu guah.e”, al Uviéu agüeyáronmoslu va cuantayá, tamién ye facil ver qu’una vegada una xanona intentó camudánoslu por un xAnínCF, o quiciavis teniemos o tenemos a la Guaxa en casa chupándonos el sangre del Uviéu o pior ….les bruxes….na meyor pa proteger al guah.e con UNA CIGUA. Les cigües protéxenmos a los/es asturianos/es de dellos pelligros y el Real Uviéu, equipu asturianu y “el nuestru guah.e”, tien que tar protexíu. Sobremanera después de los ataques de bruxes, xanes y xentes de mal. Ehí van dalgunes indicaciones pa dase cuenta de la situación…
¿de que nos protexe la cigua?
De les Xanes:
Cuando un neñu anda desmeyoráu, pue ser por culpa d’una Xana, que cambia un neñu por un xanín pa qu’ esti beba la lleche de la madre. Pa defender a los guah.es de les xanes ponse-yos una cigua, eso si, si se sospecha que yá ta fechu’l mal, faise un ritual con cáscares de güevu pa descubrir al xanín
Contra les Bruxes:
Les bruxes agüeyen a la xente ello ye provoquen el mal de güeyu, el miéu a ser agüeyáu fai que se protexa a los guah.es del agüeyamientu col “puñín” o cigua d’azabache, ritual estendíu per tola xeografía del país.
Contra LA GUAXA
La Guaxa presentase en forma de muyer arrugada y fea, que pola nueche métese nes cases y dedícase a chupar el sangre a los guah.es, les víctimes preferíes son los de meyor ver a los quefina por quita-yos la salú. Como contra les bruxes, pa cuidase de la guaxa tan La Cigua o Puñín d’azabache.
0 comentarios:
Publicar un comentario