UVIÉU 5 - 0 LEGANÉS

CONCENTRACIÓN N'UVIÉU ESTI VIENRES 13 EN SOFITU A LES RADIOS LLIBRES ASTURIANES

Ente l'acosu que tan recibiendo les radios llibres asturianes por parte del estáu español, al traviés de la so direición xeneral de telecomunicaciones, dende La Cigua queremos echar un gabitu cola so difusión y sofitu. Además la familia carbayona y al marxe del beneficiu social xeneral, nun debería escaecer que Radio Sele foi la única radio que quedó al llau del nuesu equipu depués del fatídicu branu del 2003, asina como que Radio QK emite anguañu'l programa de la peña carbayona Fondo Nicho, polo tamien como uvieístes, nun podemos permitir que desapaezan estes dos emisiores de la capital del país.

ESTA YE LA INFORMACIÓN DE LA CONVOCATORIA SACADA DE GLAYIU.ORG:

Este viernes 13, día del terror en USA, esperamos asustar a las autoridades asturianas.Las Radios Libres frente al acoso que estamos recibiendo de Telecomunicaciones vamos a entregar en el Registro Asturiano una carta denunciando el desconcierto legal en el que nos encontramos.Para apoyar la entrega y denunciar la situación vamos a hacer una concentración en el Edificio “Inteligente” en la Calle Coronel Aranda nº 2 a las 12 de la mañana.

Coordinadora Radios Llibres Asturianas.

+ Info na rede sobre estes noticies

[ http://www.radioqk.org/archives/concentracion-en-apoyo-a-las-radios-libres-asturianas/ ]
[ http://www.radiokras.blogspot.com/ ]

[ http://glayiu.org/www.radiosele.net ]

radio qk entama un maratón de radios llibres

Tamos preparando pal fin de selmana del 20-21-22 de Xineru un Maratón de Radios Llibres nel que vais poder sintir programes fechos en delles radios.

Si fae tiempu ficieras un programa na Qk y te peta pasar pola emisora o si yes un d’esos de la leyenda urbana de la Diaspora Asturiana pol mundiu y quies grabalo y mandalo ponte en contactu con nos que tenemoslo too preparao pa que pueda facese.

Aprovechamos tamien pa convidar a toles asociaciones y colectivos que tean pola llabor d’arrimase a la Radio a facer programa. Esta ye vuesa casa tamien.

Salú y Llibertá pa esti añu qu’entra. Entámalu con nos.

+ info sobre esta noticia [ http://www.radioqk.org/archives/maraton-de-radios-llibres]

uviéu 2 - 0 S.S. de los Reyes

Dixebra XXV - Merucu Xusticieru

Athletic 1 - Uviéu 0

TORNÉU DE FUTBOL ANTIRRACISTA

Dende'l nuevu colectivu "Uviéu Antifa" informen de la convocatoria d'esti tornéu n'Uviéu pal prósimu 28 d'Avientu.
Esta ye la info:

http://uvieuantifa.blogspot.com/
FECHA DEFINITIVA: DIA 28 de DICIEMBRE 11:00 HORAS
8 EQUIPOS MÁXIMO, SERÁN SELECCIONADOS POR ORDEN DE INSCRIPCIÓN. 5 EUROS POR PERSONA. OS INFORMAREMOS DEL LUGAR CUANDO NOS MANDÉIS EL EMAIL DE INSCRIPCIÓN.
De todas formas podeis ir haciendo la inscripción antes del 26 de diciembre en uvieuantifa@gmail.com

De penalti a Rubiato a gol d'Herrera

Los CIEs, Guantánamos del estáu español

Güei xueves 15 d'Avientu, la "Ruta contra'l racismu y la represión" ufiertarán otra charra sobre los CIE's esistentes nel reinu d'España. Será a les 20.00h nel CSOA La Madreña d'Uviéu.

http://rutacontralracismu.blogspot.com/

MarcaTV quier echar en directu'l partíu d'esti domingu

Según recueyen dellos medios d'información, MarcaTV algamó un alcuerdu colos clubes pa tornar a emitir en directu'l partíu del nuesu equipu escontra'l filial vallecanu. Si bien el partíu taba previstu pal mediu día del domingu, según informa Miguel Fernandi al traviés del so twitter @MiguelFernandi, anguañu responsables de la cadena deportiva tan negociando colos clubes pa que'l partíu sea pola tarde y qu'asina nun coincida col mundialín de clubes que ta xugando'l Barça.
Asina, tendremos que tar sollertes pa ver a qu'hora xugamos a la fin esta prósima xornada ya que tamos a xueves y entá nun ta confirmáu, col consiguiente trestornu p'aquellos carbayones que tengamos intención de dir a ver al nuesu equipu.

PUXA UVIÉU!!

UVIÉU 1 - 0 Tenerife

UVIÉU 0 - 1 Athletic Club

NON A LA CONSTITUCIÓN ESPAÑOLA. CON LLUCHA HAI FUTURU

Tamos fartes y fartos de sentir que la Constitución Española ye la norma cimera pola que nos empobinamos nel Estáu español. Que gracies a ella vivimos en democracia, fuimos quien a algamar la triba sociedá de la qu’agora esfrutamos y que, a la fin, tolo que tenemos, debémos-ylo a esta Constitución.

Pero, cola que ta cayendo, tenemos de facenos una entruga: ¿qué ye, en realidad, lo que tenemos?, ¿cuáles son les conquistes d’esta Constitución?.

La rempuesta ye bien fácil. Dempués de 33 constitucionales años, vamos camín de los 100.000 paraos y paraes n’Asturies. Más de 5 millones nel Estáu. Les contines Reformes Llaborales prevoquen más paru, más emplegu temporal y despidos poco menos que de baldre. Les Reformes de les Pensiones aumentaron de 65 a 67 años la edá xubilación, amenorgaron les pensiones y la realidá ye que’l 72% los y les pensionistes cobren menos de 1.000 € y el 58% (más de la metada) cobren menos de 600 €. El desemplegu algama’l 45% la mocedá y los contratos de Formación y Aprendizax conderguen a los menores de 33 años a sueldos perbaxu los 600 € y a despidos de baldre ensin drechu a paru. Una presona de cada 4 ta na probitú y les condiciones de vida tan esfarrapándose ca vegada más. ¡Un gran ésitu Constitucional!.

El fraude fiscal, ello ye, lo que dexen de pagar los ricos, anda a la raya los 80.000 millones añales. La economía somorguiada, o seya, los beneficios empresariales non sopelexaos y que van “pa la faltriquera”, algamen los 250.000 millones d’euros añales (la mayor economía somorguiada de la Xunión Europea) y llevamos espetaos otros 240.000 millones nel rescate de la banca privada. Y too ello baxu l’abellugu llegal de la Constitución. ¡Otra gran victoria Constitucional!.

La Constitución garantízanos drechos básicos, comu’l drechu al trabayu o a una vivienda digna. Pero, cola Constitución na man, milenta de families vense desahuciaes y espulsaes de la so casa y yá son millones les presones ensin trabayu y ensin denguna triba d’ingresu. ¡Una nueva conquista Constitucional!.

La nuesa Constitución reconoz que la Soberanía l’Estáu reside nel Pueblo y que d’ésti Pueblu remanecen tolos poderes. Por embargu, y por mandáu Constitucional, tórgasenos la posibilidá d’escoyer la República comu forma de Gobiernu, deñégasenos la reconocencia’l drechu d’Autodetermín recoyíu nos estremaos sopelexos de la ONX y tórnase a les presones inmigrantes en man d’obra esclava, cuandu non se-yos detién arbitrariamente y se-yos espulsa. ¡Un nuevu trunfu de la nuesa Constitución!.

Esta situación agravóse entá más cola Constitución Europea. Un Tratáu metíu a calzador, ensin sofitu popular y al serviciu de quienes controlen la economía y nos averaron a la situación de bancarrota na qu’agora s’atopa la mayor parte de la población europea.

Pero nun yera una Constitución perféuta. Y hai dellos meses fízose una reforma costitucional. La “intocable” Constitución fízose “tocable”, cola disculpia d’amenorgar el débidu públicu. Y ensin entruga-y a naide, ensin permisu y ensin referendum, la nuesa Constitución ordena, agora, meter la tisoria nos servicios públicos más básicos, comu la Sanidá, la Enseñanza o los Servicios Sociales. Gracies a la nuesa Constitución, la Salú y la Educación van tornase en padrimoniu esclusivu de quienes tean perres pa pagalo. ¡Qué gran Constitución tenemos!.

Dende la CSI, camentamos que nun se trata d’ameyorar o reformar esta Constitución, porque esti camín Constitucional que nos planteguen ye un camín muertu. Nin ún solu de los grandes problemes que tenemos puede iguase en nome la Constitución, porque, a la fin, siempres va tar al serviciu d’eso que llamen “Los Mercaos”.

Tenemos un presente de paru, inxusticia y represión. Nun hai Constitución dala que nos igüe’l futuru. Namás que la firmeza y la llucha continua polos nuesos drechos pueden traenos un futuru meyor que’l que pretenden danos.

http://www.csi-asturies.org/

CASTILLA 1 UVIÉU 3

UVIÉU 2 Montañeros CF 1