#SOSACCIONES #ALBERTOVETEYA

En casu de querer delegar les aiciones en nome de l'A.P.A.R.O, podéis entrar na so páxina web, www.aparo.es y descargar el formulariu que tenéis a la vuesa disposición  y presentalo na Cai Campumanes 12 Uviéu, nel Centru Social “Campumanes” onde van tener habilitáu un llocal n'horariu de 09:00-14:00 y de 16:00-20:00.

Sinon pue descargase los formularios anantes, vais tener a la vuesa disposición los mesmos nel sitios enantes mentáu y vais poder rellenalos sobre la marcha.

Ye imprescindible una fotocopia del DNI del titular de les aiciones.

A la de rellenar el formulariu UNICAMENTE correspuende rellenar al Titular de les acciones la parte que pertenez al accionista, informando del so NOME Y APELLÍOS, CASA, DNI, NUMBERU D'AICIONES y VALOR DE LES MESMES, Según la firma y fecha de delegación.

En casu de tener dalgún tipu de dulda a la de rellenar (les más comunes seria nel númberu d'aiciones o nel so valir) encamentamos que la dexen en blancu y rellenárase una vegada comprobáu los datos.

Nota: Solamente puede delegar el titular de les aiciones, nun esiste nenguna posibilidá qu'un terceru delegue en nome del otru.

UVIÉU 5 - 0 LEGANÉS

uviéu 2 - 0 S.S. de los Reyes

Athletic 1 - Uviéu 0

De penalti a Rubiato a gol d'Herrera

MarcaTV quier echar en directu'l partíu d'esti domingu

Según recueyen dellos medios d'información, MarcaTV algamó un alcuerdu colos clubes pa tornar a emitir en directu'l partíu del nuesu equipu escontra'l filial vallecanu. Si bien el partíu taba previstu pal mediu día del domingu, según informa Miguel Fernandi al traviés del so twitter @MiguelFernandi, anguañu responsables de la cadena deportiva tan negociando colos clubes pa que'l partíu sea pola tarde y qu'asina nun coincida col mundialín de clubes que ta xugando'l Barça.
Asina, tendremos que tar sollertes pa ver a qu'hora xugamos a la fin esta prósima xornada ya que tamos a xueves y entá nun ta confirmáu, col consiguiente trestornu p'aquellos carbayones que tengamos intención de dir a ver al nuesu equipu.

PUXA UVIÉU!!

UVIÉU 1 - 0 Tenerife

UVIÉU 0 - 1 Athletic Club

CASTILLA 1 UVIÉU 3

UVIÉU 2 Montañeros CF 1

IRREGULAR ENTAMU DE TEMPORADA

Lo que llevamos d'esta temporada 2011/2012 déxanos un irregular sabor de boca, d'entamu llegamos a tar en puestos de descensu con resultaos malos y munchos goles encaxaos, si bien nes caberes xornaes l'equipu vive una considerable meyora nos resultaos algamos, que faen qu'anguañu temos en puestos de promoción d'ascensu a segunda división.
L'auténtica preba de fueu va aportanos nos dos meses vinientes, con un calendariu percomplicáu onde depués de recibir al colista Montañeros, xugarémos nel Carlos Tartiere contra rivales qu'en teoría aspiren tamien a los puestos d'honor al final de temporada, como'l C.D. Tenerife, Leganés, Atlético "b" , además de tener que visitar places como Madrid -Castilla y Rayo "b"- , Toledo o Lugo.

Ensin dubia estos partíos puen decidir sobre les opciones azules al final de temporada, polo qu'agora más que nunca tenemos que tar col equipu.

¡Puxa Uviéu!

DISCULPES POLA INACTIVIDÁ DEL BLOGUE

Dende la temporada pasada nun actualizamos el blogue y hai que dicir que solu ye culpa d'un servidor. La crisis oblígate a recortar gastos innecesarios ya internet ye un d'ellos. Espero que d'equí n'adelante pueda caltener el blogue más vivu gracies a la collaboración vecinal.

Salú ya uvieísmu!

A ver si echamos a Alberto a la foguera

Aporta la folixa de San Xuan y con ella'l solsticiu de branu, entama'l calorín, sol y ñubes sobre too pero acolumbramos ya los milenta braniantes que van enllenalo too colos sos coches y toballes.

De toes formes San Xuan ye entá una folixa pa los de casa, asina qu'unviamosvos los meyores desesos, bona folixa.

Finó esta temporada de mierda ¡ALBERTO VETE YA!

Finó la temporada, los nuestros "profesionales" siguieron ganando al final de temporada y terminamos octavos. Si hubierais corridu así tol añu mecagon ros...
Polo demás, paez que Pacheta va entrenar l'añu que vien, entama'l baile de nomes pa fichaxes, renovaciones y demás y esto paez una pesadilla porque tou apunta a que tenemos al Bombillu, Jose Manuel y demás impresentables pa ratu.


ALBERTO VETE YA
R. OVIEDO SI- S.A.D. NON

UVIEÚ 1 - OSASUNA B 0

LLUCHA Y FOLIXA NEL PRIMERU MAYU

Una afición güerfana

L'árbitru frena les aspiraciones carbayones

YA ERA HORA

PACHETA NUEVU ENTRENADOR CARBAYÓN

Pacheta ye'l nuevu entrenador del Uvíeu y paez que dende l'entamu va reclama-yos a los futbolistes lo que venimos pidiendo l'afición tola temporada, que metan una marcha más. Esperemos qu'asina seya y dende equí queremos desea-y tola suerte'l mundiu, pues ye la nuestra, aunque de momentu camiento que tolos aficionaos tarán contentos coles sos declaraciones. Habrá qu'esperar unes xornaes pa conocer al nuevu mister y ver si tien más aciertu que los dos anteriores, aunque tampocu ye dificil.