LA DOCTRINA DEL SHOCK

Basáu nel llibru de Naomi Klein: "la doctrina del Shock", narra la forma na que los llamaos "chicago boys" de Milton Friedman, utilizaren el descubrimientu de los electroshock de la psicoloxía pa borrar les alcordances y tornar al suxetu a un estáu infantil, y poder reescribir la so hestoria, treslladar al contestu sociu económicu de los países en víes de desenvolvimientu, pa solmenar shocks económicos (alza d'impuestos, eliminación de subsidios y polítiques sociales, aumentu de precios, etc.) y asina, dexar meyor escalar los recursos naturales y arriquecer a les trasnacionales.
Pueden baxar el llibru aqui (Re-xubíu'l 1 de Marzu del 2012): http://www.mediafire.com/view/?kb1o8k0aab6hd3o

Nesti documental ente delles coses más, cuéntase la hestoria de la Inglaterra de los años 80 onde Margaret Thatcher subió al poder en mediu de grandes cellebraciones y nun momentu d'auxe d'orguyu nacional gracies a la so victoria na Guerra de les Malvines (pue comparase col momentu d'auxe del españolismu que vivimos n'Asturies gracies a los títulos deportivos, con banderes d'España peles cais, cosa qu'hai 10 años yera impensable). Namás algamar el poder Thatcher implementó les polítiques neolliberales y peslló mines y siderurxes, cola escusa de la "reconversión" de les sos principales industries (como n'Asturies anguañu) enfrentándose a grandes fuelgues onde desendolcose una llucha violenta ente trabayaores y fuercies represives del estáu (esto tamién nos suena, ¿non?). La derrota de los obreros en fuelga, pola campaña del poder pa aisllalos del restu de la sociedá y trabayaores en conflictu supuso la desapaición del movimientu obreru na islla y l'aniciu de les polítiques de recortes y privatizaciones sin fin, que nun dexó nada sin tocar ya que depués del palu que supuso la derrota pa quienes aspiraben a otru modelu de sociedá, depués del vencimientu de los sectores más concienciaos y combativos del Pueblu, naide fué capaz de facer frente al gobiernu pa evitar los abusos del poder capitalista.

Tamos a tiempu d'evitar que tamien nos reconozamos los y les asturianos/es a nós mesmos nel final de los obreros ingleses que se ve nel videu. Tamos a tiempu de xunir les nueses lluches sectoriales y pelear xuntos por un futuru dignu pa les futures xeneraciones.

U.H.P.!!
¡Solu'l Pueblu sava al Pueblu!

0 comentarios: