ASTUR HINCHES

Dende’l coleutivu políticu-deportivu“Astur Hinches”, queremos dar les gracies a tolos homes y muyeres qu’esti sábadu tuvieren presentes nel pabellón d’Avilés, dando’l so sofitu a la seleición nacional asturiana nel so partíu escontra España y sofitando asina tamién la reivindicación de reconocimientu oficial pa los combinaos asturianos. N’ Astur Hinches facemos y fairemos autocrítica por tolos erros presentes nesta convocatoria, aunque tamién afitamos el nuesu compromisu pa siguir trabayando de cara a los futuros enfrentamientos de les seleiciones nacionales y lluchando pola participación destes nes competiciones oficiales. Dexamos nidiu tamién el nuesu compromisu p’afitar el proyeutu que supón Astur Hinches, el enfotu n'enanchar esti movimientu y qu'algame al restu la sociedá asturiana.

A lo caberu, encamentamos a la mocedá d'Asturies pa que te aoyerte a les prósimes convocatories por parte d’esti coleutivu de cara a entamar nuees actividaes.

ASTURIES NACIÓN, ASTURIES SELEICIÓN