UVIÉU 1 - RIBESEYA 1

Mal partíu en xeneral onde l'Uviéu salió meyor que'l Ribeseya y consiguió adelantase, con suerte, nun tiru de Villanueva perenriba del porteru. Pocu depués y gracies al "escenariu táuticu" del Llobu, el Ribeseya acoquinó al Uviéu fasta que consiguió l'empate al peinar Castañón el pelotu nun corner. Pocu depués unvió un trallazu que fizo tremar la porteria d'Aulestia depués de pegar nel llargueru. Na segunda metá, mal futbol y al final l'Uviéu reclamó delles faltes como una del porteru xixonudu del Ribeseya dientro l'area y una mano del defensa Félix.