Sporting "B" 0 - UVIÉU 2

Bon partíu del nuesu equipu nel Molinín, saliendo a pola victoria dende l'iniciu. El primer gol foi obra de Cervero dende'l puntu penalti, ye'l tantu númberu 18 del pichichi don Diego. Bruno, que taba con pie y mediu fuera del club, foi quien metió'l segundu y pudo meter a lo menos otru si nun fuera por una falta mal pitada pol trenciella, cuando'l portugués encaraba al porteru xixonudu. Como bien siendo vezu nesti peregrinar pol pozu la tercera, el xuez del alcuentru foi totalmente parcial escontra los nuesos intereses, con una pésima llabor. A lo caberu, hai que reseñar que güei xugaron por primera vegada los tres nueos fichaxes, dexando un perbón tastu ente los hinches uvieístes.
Con esti trunfu mantenemos la distancia col segundu clasificau, l'equipu maliayés.