APLAZADA LA XINTA

La xinta que teníemos prevista pal prósimu día 6 d'Abril queda aplazada por causes de fuercia mayor. Esi mesmu día vamos formar parte d'una serie d'actos de sofitu al Uviéu onde como nun podía ser d'otra mena, va participar La Cigua. Ta convocada una Manifestación, siguía d'una espicha pa zarrar con una xornada de puertes abiertes nel Carlos Tartiere, onde cualquier aficionáu/da que quiera podrá entrar de baldre al partíu Uviéu-Ciares. La protesta ye consecuencia del inxustu tratu que l'Uviéu recibe del sportinguista presidente d'Asturies, el sociata Areces. Amás, los órganos dependientes d'esti, como la TPA, la Direición Xeneral de Deportes o Maxi-mono Martínez, presidente de la Federación Asturiana de Fútbol, nun cesen na so xera de crear una Asturies sportinguista. Nel so empeñu anti-uvieísta faen repetíes vegaes el ridiculo, como'l babayu que tenemos al frente de FAF, que t'avezáu a amosanos la so incapacidá pa dirixir esti organismu cuando suelta fataes del calibre de: «los derechos de imagen del Oviedo valen lo mismo, por poner un ejemplo, que los del Tuilla». Esti señor, aparte de quedar como'l cachu mierda que ye, fai una gran xera calteniendo asina sollerte'l sentimientu uvieísta ente gran parte la población y ye qu'h.oda a quien h.oda, l'equipu d'Asturies fue, ye y siguirá siendo l'Uviéu.

Nos prósimos díes espublizaremos el cartelu y restu la info pa la convocatoria.