EL P$OE SIGUE INSULTANDO AL UVIÉU Y A LA INTELIXENCIA

Esta selmana y con motivu de les negociaciones pa ceder los drechos d’imaxe de los clubs de la tercera asturiana a la TPA, tantu’l direutor xeneral de deportes del gobernín, como’l presidente de la Federación Asturiana de Fútbol cargaron de nueu visceralmente escontra l’uviéu y la so afición. Primero foi l’incompetente Misael Fernandez Porrón quien dixo que “l’Uviéu tendría qu’aceutar les mesmes condiciones que los demás equipos” pa finar el descerebráu y faltosu presidente de la Federación Asturiana con una afirmación que dexa bien a les clares el so analfabetismu ya incapacidá pa representase siquiera a si mesmu con un mínimu de dignidá humana. Dixo esti babayu: “Los drechos d’imaxe del Uviéu valen lo mesmu que los del Tuilla” Claro que si e, menos mal que taba Maxi pa illuminar a tola sociedá cola so sabiduría, y non esta xente de les grandes multinacionales ya empreses de publicidá, qu’inesplicablemente paguen más polos drechos del F.C. Barcelona que polos del Racing de Santander. Nun se pue cayer más baxu nin ser más tuntu, Maximino