SOLIDARIDÁ COLOS 14 DE CANGUES: MANI DEL COLEUTIVU DE "MADRES POLES LLIBERTAES" YA ENCIERRU DE VENTI MOZOS NA ILESIA SAN XOSÉ DE XIXÓN

Más d'una veintena de mozos/ces de la CAA van permanecer encerraos na ilesia de San Xose en protesta pola represión a la mocedá asturiana y en solidaridá colos 14 imputaos pola so participación n'un actu contra'l racismu en Cangues d'Onís. El sábadu 31 convoquen una asamblea abierta a les 12:00 horas na ilesia de San Xosé (Xixón) pa falar sobro'l procesu represivu de los 14 de Cangues d'Onís y la campaña en sofitu. El mesmu sábadu va cellebrase tamién una charra sobre memoria hestórica na ilesia del encierru a les 19:00 hores. El domingu 1 de febreru a les 11:30 hores los mozos van colar de la ilesia de San Xosé pa entamar una ruta pola memoria hestórica na ciudá de Xixón.