EL VETUSTA XUÉGASELA N'AVILÉS

El filial del Uviéu, el Vetusta, xuegasela mañan domingu n'Avilés escontra l'Hestóricu Carbayedo. Los carbayones, llíderes con un puntu de ventaxa sobre'l Navia, segundu clasificáu, dependen d'ellos mesmos pa finar esta triunfal racha dende qu'aportó Fermín al bancu del Vetusta ya que nun conoz la derrota y solu cedió un empate. Si mañán el Vetusta proclámase campeón subirá direutamente a Preferente, lo qu'ensin dubia ye un pasu perimportante na normalización deportiva del club.

L'APARO entama un viaxe a Avilés pa sofitar a los mozos, con buses que saldrán dende l'Estadiu Carlos Tartiere direición a Avilés mañán a les 16:00 hores. Tol que quiera dir n'estos buses pue pasar a recoyer el so ticket al preciu de seyes euros na Cafetería La Esquina.

-Cafetería "La Esquina", afitada na esquina Comandante Vallespín con León Escosura.

0 comentarios: