INFORMACIÓN PLAY-OFF D'ASCENSU: UVIÉU - MALLORCA


Esti Domingu 24 de Mayu tenemos el primeru de los dos partíos onde vamos xuganos l'ascensu de categoría. Como nun podía ser d'otra forma, La Cigua afronta esta ellimatoria de forma especial y pa ello tenemos organizada una xinta na Sidrería Mae (La Corredoria) onde diremos calentando motores en xermandá ente lxs ciguaxs. La xinta entamará de magar les 15:00 hrs. del Domingu y ye conveniente avisar con antelación, tando convidaxs tolxs socixs y simpatizantes de La Cigua. El menu, sedrá potente pa garrar fuercies pa tola xornada y tendrá un preciu alrodiu los 10 euros. Depués de la correspondiente sobremesa, colaremos pal centru la ciudá onde nos xuniremos al restu lxs carbayones, con parada nel Mesón Garabuyu (sede de la Peña Luismi), pa dempués dir en cortexu al Carlos Tartiere. Además dende La Cigua, queremos facer un llamamientu a la afición carbayona pa qu'acuda masivamente con camisetes, banderes, bufandes y demás material del club pa qu'a la salida de los xugaores al terrenu de xuegu les grades del Carlos Tartiere se tornen un mar de bufandes y banderes azules. Revivir l'ambiente de les grandes tardes nel campu de Buenavista ta al nuesu alcance.

Si quies venir a la xinta o recibir más información, ponte en contautu col email de la peña: hinchesuvieu@hotmail.com

Nun escaecer tamien, qu'esti Domingu tarán disponibles les caberes sudaderes d'esta remesa. ¡Resérvala ya si nun quies quedar ensin elles!

0 comentarios: