GRACIES

Dende la peña La Cigua queremos agradecer a les plantielles y cuerpu técnicu del Uviéu y del Uviéu Vetusta, la entrega y dedicación que nos llevaren esti añu a dar un pasu perimportante na normalización del club, col ascensu del filial y del primer equipu.

La Cigua apuesta por recuperar una política de cantera onde les nueses promeses pasen al equipu filial una vegada terminen la edá xuvenil y pa ello yera imprescindible que'l Vetusta puediera aportar polo menos a Preferente. Al mesmu tiempu queremos apostar pola continuidá de bona parte de la plantiella del primer equipu, incorporando a la mesma de forma definitiva a los mozos que vienen participando nel y tamién a otros que vienen pisando fuerte dende atrás, fichando solu a unos pocos xugadores que marquen la diferencia y que meyoren cláramente a los deportistes que formen parte anguañu de la primera plantiella carbayona.

Poro, dende La Cigua naguamos porque tolos integrantes de la parcela deportiva del club pasen unes bones vaciones de branu y tornen coles piles y l'animu recargáu pa afrontar un nuevu y dificil retu, lluchar pol ascensu a la segunda división. Munches gracies por tou.