L'equipu carbayón ganó güei pela mañana por un tantu a cero al equipu andaluz del Atlético Jienense. Les uvieínes necesitaben ganar depués del resultáu del partíu d'ida y guetaren el gol demientres tol partíu, torgándolo delles vegaes la portera visitante y otres los palos, hasta qu'un erru infantil de les foriates, provocó un llibre indireutu dientro l'area onde les Jienenses tampocu pidieron barrera, polo que too esto foi aprovecháu poles asturianes que sacaron rápido pa que marcara'l tantu de la victoria la capitana del Uviéu Modernu, nel minutu 83 del partíu. Lau, que ya anunciara la so retirada del futbol al finar esta fase d'ascensu, despídese asina con esta guinda a una gran trayeutoria futbolística na élite y depués del varapalu del descensu hai un añu aproximadamente. Dende equí, queremos da-yos la norabona a estes campeones que'l prósimu añu tornarán a la máxima categoría del futbol.
0 comentarios:
Publicar un comentario