LA CIGUA SIGUE ALANTRE COL VIAXE A SANTANDER

Dende La Cigua comunicamos que la nuesa intención ye siguir alantre col viaxe organizáu que teníemos previstu pa la prósima xornada na que'l nuesu equipu va enfrentase en Santander al Racing "b". Les inscripciones puen facese na Sidrería Mae nel horariu nel que ta abiertu la sidrería (los martes cierra por descansu) y tienen un preciu de 10 euros (pue tar suxetu a pequeñes variaciones, nunca serán más de 15 euros), si bien llamentablemente y por circunstancies ayenes a nos, nun podemos garantizar que vaya salir alantre'l viaxe en bus ya qu'al ser de Llunes nun tenemos dientro la peña un númberu de miembros suficientes pa facer viable'l bus, dependiendo de la rempuesta de l'afición carbayona. Poro, a la hora de retirar el ticket habrá dexase un númberu de teléfonu de contactu pa que podamos comunicar cualesquier variación nes condiciones del viaxe asina como garantizar la devolución del importe del billete nel casu de que finalmente nun reunamos xente suficiente pa dir en bus.

Rogamos a tolos/es aficionaos/es carbayones que disculpen esta inseguridá nel preciu y certeza del viaxe, pero esperamos qu'entiendan qu'esto vien dau poles condiciones impuestes polos clubs y onde los/es aficionaos/es quedamos una vez más en situación d'indefensión total.

Puxa Uviéu y tol mundu a Santander!!!