VICTORIA POLÉMICA EN TOLEDO Y PREPARACIÓN EN MADRID DEL PARTÍU DE MAÑANA CONTRA'L CACEREÑO

L'Uviéu sufrió'l xueves pa ganar al Toledo, calteniendose nel marcador l'únicu tantu que se marcara más d'un mes atrás, cuando'l partíu foi suspendíu pola ñeve. Dempués de la polémica pol recursu de pacotilla qu'enviaren los impresentables del conseyu, na reanudación tamien hubo polémica cola espulsión de Miguel a los venti minutos y sobre tou cuando nel minutu 84 de partíu, Manu Bustu dimpúsose a salir del campu entrando Rayco en llugar d'aquel pero pa sorpresa de toos el llínia indico-y daqué al árbitru y anularen el cambiu, tornando Rayco al bancu y saliendo finalmente Nacho Mendez. Esto llevantó tou tipu de conxetures sobre una posible reclamación del partíu esta vez por parte del equipu toledanu al especulase con un erru de Pichi o del delegáu uvieín o con la posibilidá de que se contabilizasen cuatro cambios nel Uviéu, posibilidá qu'avivó la RPA dando por perdíu'l partíu al equipu carbayón y qu'avivaren na rueda de prensa los periodistes toledanos. Al final ni tan siquier apaez espeyáu nel acta y tou apunta a un erru arbitral pues Rayco podía xugar perfeutamente.

Tres puntos d'oru y colocámonos segundos, con cuatro puntos de ventaxa sobre'l quintu clasificáu, a la espera del partíu de mañana en tierres estremeñes -el terceru esta selmana- que los azules tuvieren preparando ayeri y güei na Ciudá Deportiva de Las Rozas.

0 comentarios: