NUEVA EDICIÓN DEL PROYEUTU BOSQUE UVIEÍSTA

El prósimu Vienres 26 de Marzu va cellebrase una nueva edición del Bosque Uvieísta, cola plantación del que será'l carbayu númberu 84, tantos como años cumple'l club. Esti proyeutu foi entamáu pola asociación uvieísta "Espiritu 2003" y dende la mesma recalquen la necesidá de qu'esti sea un proyeutu de tola afición carbayona, polo que conviden a tol que quiera a que pase perellí la tarde del prósimu vienres a echa-yos un gabitu ya qu'además de plantar un nuevu carbayu van reponer aqueyos arbolinos que se secaran o nun echaren raigañu n'esti tiempu.
Ensin dubies esti ye un de los proyeutos más guapos que surdieron alrodiu del club y del sentimientu carbayón y dende La Cigua nun podemos dexar pasar la ocasión pa felicidar a l'asociación pola mesma.