PASARÓN QUEDA PEQUEÑU PA L'AFICIÓN CARBAYONA

El campu de futbol de Pasarón va quedar esti sábadu pequeñu pa l'afición azul. Asina les 600 entraes con viaxe de l'APARO que podíen mercase por 32 euros foron despachaes en custión de minutos con llargues coles y muncha xente que quedó ensin premiu, pasando lo mesmo colos asientos pa viaxar en bus que podíen mercase en Viaca por 10 euros. Asina les coses la mayoría de l'afición ta espectante pa ver si a la fin hai manera de que'l club gallegu mande una cantidá cercana a les 3000 entraes que se pidieren, ya que les 1000 d'anguañu son claramente insuficientes. Paez qu'además los dirixentes del club gallegu nun son de muncha pallabra puestu qu'además y por sorpresa subieren el preciu de la entrada a venticinco euros, maniobra que nun ye propia d'un club cola tradición del Pontevedra. Veremos como evolucionen les coses pero anguañu la cosa pinta prieta.