ENTAMA LA PRETEMPORADA

L'Uviéu entamó güei Xueves 15 de Xunetu la pretemporada de cara a la Lliga 2010/2011 con una sesión d'entrenu nes instalaciones de El Requexón. L'equipu dirixíu por Pichi Lucas tien entá munches baxes pudiendo ser más entá polo que paez nel casu de dalgunos futbolistes y solu suma cinco altes, polo que güei'l bercianu solu pudo cuntar con ventidós homes, onde apenes una quincena tien ficha col primer equipu y a los qu'hai que sumar seyes mozos del equipu xuvenil y del Vetusta que van facer tola pretemporada col primer equipu, como son Alberto, Peña, Pascual, Jandrín, Yosu y Belar. Mientres tantu les nueves incorporaciones, a la espera según les pallabres del técnicu, de cuatro o cinco homes más son: Miguel Falcón (Cartagena) López Ramos (Albacete), Víctor Díaz (Sevilla Atlético), Richi (Osasuna Atlético) y Nano (Cádiz)