R.O.C.F. SI - S.A.D. NON


Dende'l coleutivu La Cigua queremos intentar poner el nuesu granín d'arena pola salvación del R. Uviéu. Aunque nun sabemos si ya hai movimientos nesi sen, camentamos que l'APARO y Espíritu 2003 tienen que ser los cabezaleros dende YA d'un movimientu que fine col nuesu equipu del alma nes manes de quienes sentimos los colores. Güei mesmo apaez na LNE qu'Alberto Gonzalez lo propón:

http://www.lne.es/deportes/2011/02/04/gonzalez-asegura-manejar-ofertas/1029019.html
"Entre las soluciones dadas por González también hay espacio para ideas originales. El máximo accionista aboga por una operación similar a la reconversión de la sociedad anónima en club. Hacer paquetes de ocho acciones, con lo que «por poco más de 200 euros por abonado el Real Oviedo volvería a ser de sus socios»"

Dende La Cigua nun vamos facer campaña por un cambiu que suponga quitar a un magnate/mangante como'l Bombillu pa poner al Toño García esti que nun escuende a lo que vien y diz coses como estes:
http://mas.lne.es/real-oviedo/noticias/jose-antonio-garcia-para-pegaso-acciones-oviedo-valian-nada/442.html
"el Oviedo es un buen proyecto y puede ser un buen negocio. Lo que está claro es que si el equipo estuviera ya en Segunda División, no estaría en venta»". Ta claru que pa qu'haya negociu pa una parte otra tien que perder y esta díbemos ser los aficionaos d'a pie, como venimos comprobando dende que nos convertimos en SAD.

Poro, dende La Cigua ufiertamos la nuesa collaboración y proponemos a l'APARO y Espíritu 2003 que convoquen un Conceyu Abiertu a toles peñes y aficionaos del club onde sentar les bases pa entamar con pasu firme en pro de la reconversión en Club de Fútbol del nuesu equipu agora que paez qu'hai una puerta abierta que pode llevanos a una salida nesi sen y antes de que tengamos un nuevu Gonzalez, nómese como se nome, al frente del club.

Febreru de 2011

0 comentarios: